انٽرنيشنل ڪرڪيٽ ڪائونسل (آءِ سي سي) جي ون ڊي رينڪنگ ۾ پاڪستان پهرين نمبر تي اچي ويو آهي.
ڪراچي جي نيشنل اسٽيڊيم ۾ کيڏيل 5 ميچن تي ٻڌل هوم سيريز جي چوٿين ون ڊي ميچ ۾ فتح سان ئي پاڪستاني ٽيم ڪرڪيٽ جي دنيا ۾ نمبر ون بڻجي وئي.
پاڪستان کي اڄ حاصل ڪيل پوزيشن کي برقرار رکڻ لاءِ آخري ميچ ۾ فتح لازمي هئي.
چوٿين ميچ کٽڻ سان پاڪستان جي ريٽنگ پوائنٽس جو انگ وڌي 113 ڏهائي 483 ٿي ويو آهي جڏهن ته آسٽريليا جي ڪل ريٽنگ پوائنٽس 113 ڏهائي 286 ٿي ويون آهن.
اهو پهريون ڀيرو آهي ته پاڪستان پنهنجي باضابطه شروعات کان وٺي آءِ سي سي جي رينڪنگ ۾ ٽاپ تي پهتو آهي، آخري ڀيرو پاڪستان آگسٽ 1991ع ۾ سرڪاري رينڪنگ شروع ٿيڻ کان پهرين پهرين نمبر تي هئي.
آءِ سي سي ون ڊي انٽرنيشنل رينڪنگ باضابطه طور تي سال 2005 ۾ جاري ڪئي وئي هئي، ۽ اڳئين رينڪنگ کي طئي ڪرڻ لاءِ ماضي ۾ فارمولا لاڳو ڪيو ويو آهي.
