ڪرڪيٽ آسٽريليا ويب سائيٽ آءِ سي سي ورلڊ ٽيسٽ چيمپئين شپ ٽيم آف دي ٽورنامينٽ جو اعلان ڪري ڇڏيو.
آءِ سي سي ورلڊ ٽيسٽ چيمپئن شپ جي فائنل ۾ آسٽريليا ۽ ڀارت جون ٽيمون آمهون سامهون ٿينديون، فائنل 7 کان 11 جون تائين انگلينڊ ۾ شيڊول آهي.
پاڪستان جي ڪپتان بابر اعظم کي ورلڊ ٽيسٽ چيمپئن شپ ٽيم آف دي ٽورنامينٽ ۾ شامل ڪيو ويو آهي.
بابر اعظم چيمپئن شپ دوران 14 ٽيسٽ ميچ کيڏي 1527 رنسون ٺاهيون، هن چار سينچريز ۽ 10 هاف سينچريز اسڪور ڪيون.
بابر اعظم سڀ کان وڌيڪ اسڪور 196 هو جيڪو هن آسٽريليا خلاف ٺاهيو هو.
انکانسواءِ ٽيم ۾ آسٽريليا جو عثمان خواجا، ٽريوس هيڊ ۽ پيٽ ڪمنز شامل آهن، ٽيم جو ڪپتان پيٽ ڪمنز آهي.
آءِ سي سي ورلڊ ٽيسٽ چيمپئن شپ جي ٻين رانديگرن ۾ ڀارت جو رويندرا جڊيجا، رشڀ پنٽ، روي چندرن ايشون، انگلينڊ جوءِ جوروٽ، جيمز اينڊرسن ۽ سريلنڪا جو ڊميٿ ڪرونارتين ۽ ڏکڻ آفريڪا جو رباڊا شامل آهن.
