سپريم ڪورٽ جي جج جسٽس قاضي فائز عيسيٰ چيو آهي ته آئين جي خوشي ملهائڻ ڪنهن تنظيم يا اداري جو اڪيلو حق ناهي، عوام جا چونڊيل نمائندا مڪمل طور احترام جا حقدار آهن، شهرين جو بهترين مفاد آهي ته ورهاڱي جا ٻج نه پوکيا وڃن.
آئين جي گولڊن جوبلي تقريب ۾ شرڪت بابت وضاحتي بيان جاري ڪندي جسٽس قاضي فائز عيسيٰ چيو ته هن رڳو آئين تي ڳالهين جي خاطري کانپوءِ گولڊن جوبلي تقريب ۾ شرڪت ڪئي.
هن چيو ته سياسي تقريرن کانپوءِ پاڻ خطاب ڪري سياسي تقريرن کان لاتعلقي ظاهر ڪئي، حيرات آهي ته ڪجهه ماڻهن کي اجلاس ۾ شرڪت تي اعتراض آهن.
جسٽس قاضي فائز عيسيٰ چيو ته عدليا جي فرد هجڻ سبب کيس وچ ۾ ويهاريو ويو، ورهائڻ وارو ٻج نه ڇٽڻ ئي بهترين مفاد ۾ آهي.
