عوامي مسلم ليگ جي سربراهه ۽ اڳوڻي وفاقي گهرو وزير شيخ رشيد احمد چيو آهي ته فيصلو هلندڙ هفتي ٿي ويندو ته ملڪ آئين ۽ قانون تحت هلندو يا شريفن ۽ زردارين جي خواهش تي هلندو
سماجي رابطن واري ويب سائيٽ ٽوئيٽر تي جاري ڪيل ٽوئٽ ۾ شيخ رشيد احمد چيو ته آئين موجب 90 ڏينهن اندر چونڊون ڪرائڻ گهرجن پر هو ضد تي آهن ته آئين ۽ جمهوريت کي ٻوڙي ڇڏيندا پر چونڊون نه ڪرايون وينديون.
سندس چوڻ هو ته جيڪڏهن عدالتي حڪم تي عمل نه ٿيو ته سپريم ڪورٽ ٽئين وزيراعظم کي به گهر موڪلي سگهي ٿي.
عوامي مسلم ليگ جي سربراهه شيخ رشيد احمد چيو ته ڳالهين جي وقت گذري ويو فيصلي جو وقت اچي ويو آهي، ماڻهن کي ڪيڙا ماڪوڙا سمجهي فيصلي جو حق نه ڏيندڙ پنهنجي فيصلن تي پڇتائيندا.
هن چيو ته عمران خان خلاف 140 ڪيس ٿي سگهن ٿا پر کيس نااهل نٿو ڪري سگهجي ۽ جيڪڏهن هو جيل ويندو ته 13 پارٽيون سياسي جنازو به نڪري ويندو.
سندس چوڻ هو ته آءِ ايم ايف ناڪام، انٽرنيشنل ڊونيشن ٻڙي، بجلي، گيس ۽ اٽو اڻلڀ، حڪومت تي طاقت ذريعي قبضو، اها ئي سندن ايجنڊا آهي.
اڳوڻي وفاقي گهرو وزير شيخ رشيد احمد چيو ته هاڻي سپريم ڪورٽ ئي ملڪ کي بچائي سگهي ٿي، حڪومت ادارن ۽ عوام ۾ ٽڪراءُ چاهي ٿي.
شيخ رشيد احمد چيو ته حڪومت جو هڪ سال پورو ٿي ويو، نواز شريف واپس نه آيو ، ڪڻڪ 100 سيڪڙو، پيٽرول 123 رپيا لٽر ۽ گيهه 200 رپيا ڪلو مهانگو ٿي ويو، حڪومت مفتي تقي جي ڳالهه مڃي ۽ ملڪ کي سنگين حالتن مان ڪڍي.
