صوبائي وزير سعيد غني چيو آهي ته آدمشماريءَ لاءِ ڏينهن وڌايا وڃن، صحيح ڳڻپ نه ٿي ته آباديءَ جي حساب سان وسيلن ۽ قومي اسيمبلي جي سيٽن جي ورڇ صحيح نه ٿيندي.
ڪراچي ۾ پريس ڪانفرنس ڪندي سعيد غني چيو ته هيل تائين جي اطلاعن تحت هو چئي رهيو آهي ته آدمشماري صحيح ناهي ٿي، شفافيت اها آهي ته ضلعي انتظميا کي شامل ته ڪيو ويو آهي پر انهن کي اهو حق حاصل ناهي ته اهي ڊيٽا ڏسي سگهن.
هن چيو ته سندس گهر ڪو ٽيبليٽ کڻي اچي ٿو ته سندس ڊيٽا انٽري ڪري ته کيس ميسيج اچڻ گهرجي ته گهر جا ايترا فرد ڳڻجي چڪا آهن، کيس خبر ئي نه پوندي ته هو ڪيئن درست ڪرائي سگهي ٿو؟
سعيد غني چيو ته هنن 2017ع واري آدشماري کي به تسليم نه ڪيو، هنن ايم ڪيو ايم کان وڌيڪ بهتر انداز ۾ سنڌ جو ڪيس وڙهيو.
صوبائي وزير چيو ته هاڻي به هن آدمشماري تي خدشا کاتي آڏو رکيا، خاندان جي ذاتي ڊيٽا ڳجهي رکي وئي، جيڪو مناسب نه هو.
