مڪاني ادارن واري صوبائي وزير ناصر شاهه چيو آهي ته آدمشماريءَ وارو معاملو سنڌ حڪومت ئي اٿاريو، جماعت اسلامي سميت ٻين پارٽين رڳو بيان بازيءَ کانسواءِ ڪجهه ناهي ڪيو.
حافظ نعيم جي بيان تي ردعمل جاري ڪندي ناصر شاهه چيو ته اين ايف سي هجي يا پاڻي جي وڇر، گيس ۾ حصو هجي يا آدمشماري پ پ سنڌ جي عوام جي حقن جي حفاظت ڪئي آهي.
هن چيو ته ايم ڪيو ايم جي بائيڪاٽ سان مڪاني چونڊن ۾ جماعت اسلامي جي ڪجهه سيٽون مليون ته حافظ نعيم ڳالهه دل تي وٺي ڇڏي آهي.
ناصر شاهه چيو ته سنڌ حڪومت شهر ۾ امن قائم ڪيو، ڪراچي ۾ انفرااسٽرڪچر ٺاهيو ۽ صفائي سٿرائي جو نظام بهتر بڻايو، شهرين جي مسئلن جي حل لاءِ پ پ سچائي سان خدمت ڪري رهي آهي.
صوبائي وزير چيو ته ڪراچي جو عوام هاڻي پ پ سان گڏ آهي.
