آرمي چيف جنرل عاصم منير سان چيني پرڏيهي وزير ۽ افغان وقتي پرڏيهي وزير ڌار ڌار ملاقات ڪئي آهي جنهن دوران خطي جي سلامتي، بارڊر مينيجمينٽ ۽ گڏيل دلچسپي جي معاملن بابت ڳالهيون ڪيون ويون آهن.
آءِ ايس پي آر جو چوڻ آهي ته آرمي چيف جنرل عاصم منير سان چيني پرڏيهي وزير جي ايڇ ڪيو راولپنڊي ۾ ملاقات ڪئي آهي.
آءِ ايس پي آر موجب، ملاقات دوران گڏيل دلچسپي جي معاملن، علاقائي سڪيورٽي صورت ۽ دفاعي سهڪار بابت ڳالهيون ڪيون ويون آهن.
آرمي چيف جنرل عاصم منير چيو ته پاڪستان چين سان اسٽريٽجڪ لاڳاپا ۽ سي پي منصوبي جي مڪمل حمايت لاءِ پرعزم آهي.
آءِ ايس پي آر جو چوڻ آهي ته آرمي چيف علاقائي ۽ عالمي معاملن تي پاڪستان جي حمايت تي چين جي ڪردار جي به ساراهه ڪئي.
آءِ ايس پي آر موجب، چيني پرڏيهي وزير ٻنهي ملڪن ۾ ڊگهي عرصي جي اسٽريٽجڪ لاڳاپن جي اهميت تي زور ڀريو، سي پيڪ جي اڳڀرائي تي اطمينان ۽ منصوبن کي بروقت مڪمل ڪرڻ جي عزم جو به اظهار ڪيو.
چيني پرڏيهي وزير سي پي منصوبن ۾ چيني شهرين جي سڪيورٽي لاءِ پاڪ فوج جي ڪردار جي ساراهه ڪئي.
آءِ ايس پي آر جو چوڻ آهي ته پاڪ فوج جي سربراهه جنرل عاصم منير سان افغانستان جي وقتي پرڏيهي وزير امير خان متقي آرمي هائوس راولپنڊي ۾ ملاقات ڪئي.
آءِ ايس پي آر موجب، ملاقات ۾ علاقائي سلامتي، بارڊر مينيجمينٽ ۽ گڏيل دلچسپي جي معاملن بابت ڳالهيون ڪيون ويون.
آءِ ايس پي آر جو چوڻ آهي ته ملاقات دوران موجوده سڪيورٽي ماحول ۾ بهتري لاءِ ميڪنزم بهتر بڻائڻ تي به خيالن جي ڏي وٺ ٿي.
آرمي چيف جنرل عاصم منير، افغان وقتي پرڏيهي وزير سان ڳالهائيندي چيو ته دهشتگردي ۽ انتهاپسندي جي گڏيل چئلينجز کي منهن ڏيڻ لاءِ سهڪار وڌائڻ جي ضرورت آهي.
افغانستان جي وقتي پرڏيهي وزير امير خان متقي افغان عوام لاءِ پاڪستان جي روايتي حمايت جي ساراهه ڪئي.
آرمي چيف ۽ افغانستان جي وقتي پرڏيهي وزير ٻه طرفي لاڳاپن جي مضبوطي ۽ گڏيل مسئلن جي حل لاءِ رابطا برقرار رکڻ تي اتفاق ڪيو.
آرمي چيف جنرل عاصم منير مستحڪم، پرامن ۽ خوشحال افغانستان لاءِ پاڪستان جو عزم ورجايو.
