آرمي چيف جنرل عاصم منير پاڪ افغان سرحد جو دورو ڪري آفيسرن ۽ جوانن سان عيد جو ڏينهن گذاريو، جنرل عاصم منير جو چوڻ آهي ته پاڪ فوج سرحدن جي حفاظت لاءِ پرعزم آهي، پاڪ فوج ملڪي سلامتي کي يقيني بڻائڻ لاءِ ڪنهن به خطري کي منهن ڏيڻ لاءِ تيار آهي، سرحدن جي حفاظت کان وڌيڪ ڪا به شيءَ مٿي ناهي.
آءِ ايس پي آر موجب، آرمي چيف جنرل سيد عاصم منير پاڪ افغان بارڊر تي مقرر فوجي جوانن سان عيد جو ڏينهن گذاريو.
آءِ ايس پي آر جو چوڻ آهي ته آرمي چيف جنرل سيد عاصم منير، آفيسرن ۽ جوانن سان عيدالفطر جي نماز ادا ڪئي.
آءِ ايس پي آر موجب، آرمي چيف جنرل سيد عاصم منير، آفيسرن ۽ جوانن جي بلند حوصلن جي ساراهه به ڪئي.
آرمي چيف جنرل سيد عاصم منير جو چوڻ آهي ته پاڪ فوج سرحدن جي حفاظت لاءِ پرعزم آهي ۽ پاڪ فوج ملڪي سلامتي کي يقيني بڻائڻ لاءِ ڪنهن به خطري کي منهن ڏيڻ لاءِ تيار آهي.
سندس چوڻ هو ته ملڪ جا محافظ ڏکين رستن، سخت موسمي حالتن ۽ پنهنجي پيارن کان پري هئڻ باوجود پنهنجي فرض کي مقدم رکندا آهن ڇوته سرحدن جي حفاظت کان وڌيڪ ڪا به شيءَ مقدس ناهي.
آرمي چيف جنرل سيد عاصم منير شهيدن کي ڀيٽا پيش ڪندي چيو ته عيد جي ڏهاڙي وطن جي بچاءَ ۽ دهشتگردي جي لعنت جي خاتمي لاءِ پنهنجون جانين جو نظرانو ڏيندڙن کي ڪڏهن به وساري نٿو سگهجي.
آءِ ايس پي آر موجب، آرمي چيف خاص طور شهيدن جي گهرڀاتين لاءِ نيڪ خواهشن جو اظهار ڪيو ۽ آفيسرن ۽ جوانن جي آپريشنل تياري جي ساراهه ڪئي.
ان کان اڳ ڪور ڪمانڊر پشاور آرمي چيف جنرل سيد عاصم منير جو آڌرڀاءُ ڪيو.
