آزاد ڪشمير جي سپريم ڪورٽ اڳوڻي وزيراعظم سردار تنوير الياس جي نااهلي خلاف درخواست خارج ڪري ڇڏي، چيف جسٽس راجا سعيد ريمارڪس ڏيندي چيو ته اوهان سڀاڻي ٻيهر درخواست کڻي اچو، درخواست جو ٽائٽل درست ناهي، درخواست ۾ سردار تنوير الياس کي وزيراعظم لکيو ويو آهي، جيڪڏهن هو وزيراعظم آهي ته درخواست داخل ڪرڻ جي ڪهڙي ضرورت آهي؟، فيصلو صحيح يا غلط ٿيو ان بابت فيصلو بعد ۾ ٿيندو.
آزاد ڪشمير جي سپريم ڪورٽ ۾ اڳوڻي وزيراعظم سردار تنوير الياس جي ليگل ٽيم نااهلي خلاف درخواست داخل ڪرائي.
سپريم ڪورٽ جي چيف جسٽس راجا سعيد ريمارڪس ڏيندي چيو ته اوهان سڀاڻي ٻيهر درخواست کڻي اچو، درخواست جو ٽائٽل درست ناهي، درخواست ۾ سردار تنوير الياس کي وزيراعظم لکيو ويو آهي، جيڪڏهن هو وزيراعظم آهي ته درخواست داخل ڪرڻ جي ڪهڙي ضرورت آهي؟، فيصلو صحيح يا غلط ٿيو ان بابت فيصلو بعد ۾ ٿيندو.
واضح رهي ته ان کان اڳ سپريم ڪورٽ جي رجسٽرار درخواست تي اعتراض لڳائي واپس ڪئي هئي.
درخواست ۾ سردار تنوير الياس کي وزيراعظم آزاد ڪشمير لکيو ويو هو.
گذريل ڏينهن آزاد ڪشمير جي هائيڪورٽ توهين عدالت ڪيس ۾ سردار تنوير الياس کي وزيراعظم جي عهدي لاءِ نااهل قرار ڏنو هو.
آزاد ڪشمير جي تاريخ ۾ پهريون ڀيرو ڪنهن وزيراعظم کي توهين عدالت تي نااهل ڪيو ويو آهي.
تنوير الياس جي نااهلي کانپوءِ سينيئر وزير خواجا فاروق آزاد ڪشمير جو وقتي وزيراعظم بڻجي ويو.
خواجه فاروق نئين وزيراعظم جي چونڊ تائين پنهنجا فرض سرانجام ڏيندو، آزاد ڪشمير جي صدر بئريسٽر سلطان محمود سمري تي صحيح ڪري چيف سيڪريٽري ڏانهن موڪلي ڇڏي.
