عوامي مسلم ليگ جي سربراهه شيخ رشيد چيو آهي ته آصف علي زرداري چاهي ٿو ته شهباز شريف نااهل ٿي وڃي، پاڪستان آئين ۽ قانون جي جنگ وڙهي رهيو آهي اميد آهي ته عدليا کٽي ويندي.
اسلام آباد جي ڊسٽرڪٽ اينڊ سيشن ڪورٽ ۾ ميڊيا سان ڳالهائيندي شيخ رشيد چيو ته آصف علي زرداري چئي رهيو آهي ته عمران خان مقبول ليڊر ناهي، پاڪستان آئين ۽ قانون جي جنگ وڙهي رهيو آهي عدليا کٽندي ڇوته قوم عدليا سان گڏ آهي، عدليا ڊگهي نظر سان آئين کي بلند رکيو.
سندس چوڻ هو ته نيب جو قانون حڪمرانن جي ڳچيءَ ۾ لٽڪيل آهي، ڪيسن کان هو گهٻرائڻ وارا ناهن.
عوامي مسلم ليگ جي سربراهه شيخ رشيد چيو ته سياستدان بند گهٽيءَ ۾ وڃي رهيا آهن، حڪمران پنهنجا ڪيس ختم ڪرائڻ آيا آهن پر سندن نيب مان جان نه ڇٽندي، قوم روڊن تي فيصلو ڪندي اوهان ملڪ مان ڀڄي نٿا سگهو.
هن چيو ته چاٻيءَ وارن رانديڪن 24 ڪروڙ عوام جي ملڪ کي مذاق سمجهيو آهي، قوم مهانگائي سبب پريشان آهي.
عوامي مسلم ليگ جي سربراهه شيخ رشيد چيو ته قوم مهانگائي جي چڪيءَ ۾ پيسجي رهي آهي، هي هڪ سال کان خيرات گهري رهيا آهن.
