امريڪي رياست مشي گن ۾ ھڪ خاندان ۾ 138سالن بعد پھريون ڀيرو ڌيءُ جي پيدائش ٿي آھي.
امريڪي جوڙي اينڊريو ڪلارڪ ۽ ڪيرولن جي گھر ۾ 17مارچ تي ڌيءُ جي پيدائش ٿي.
جوڙي مشھور امريڪي شو گڊ مارننگ امريڪا ۾ شرڪت ڪئي جتي اينڊريو ڪلارڪ دعويٰ ڪئي تھ سندس خاندان ۾ 138 سالن بعد ڪنھن نياڻيءَ جو جنم ٿيو آھي.
ڪيرولن جو چوڻ ھو تھ اينڊريو جڏھن پنھنجي خاندان جي پس منظر جي باري ۾ بڌايو تھ سندس خاندان ۾ جنھن ٻار جو جنم ٿيندو ھو اھو ڇوڪرو ئي ھوندو ھو، جڏھن کين معلوم ٿيو تھ سندن نياڻي ٿيڻ واري آھي تھ ھو گھڻا خوش ھئا، ھوءَ حيران ھئي تھ 1885 کانپوءِ سندن خاندان ۾ پھرين نياڻيءَ جي پيدائش ٿيندي.
جوڙي جو چوڻ ھو تھ خاندان جا سڀ ماڻھو ڌيءُ جي پيدائش تي گھڻا خوش ھئا، سندن لاءِ اھو ھڪ انمول تحفو آھي.
