امريڪا ۾ ھڪ گھراڻو اھڙو بھ آھي جنھن جا سمورا ڀاتي ننڍي قد جا آھن پر ھڪ نوجوان جو قد ڇھھ فٽ آھي.
پيٽ موٽزنگو جو قد 6فٽ آھي ۽ ھو ڪڏھن ڪڏھن پاڻ کي گھر ۾ اجنبي سمجھندو آھي، سندس خاندان ھڪ عرصي کان ماڻھن جي ڌيان جو مرڪز بڻيل رھيو آھي، سندس گھر جي ھر بالغ فرد جو قد 4فٽ 10 انچ کان گھٽ آھي جيڪي طبي طور تي ننڍي قد وارن ماڻھن ۾ شمار ٿين ٿا.
پيٽ جي والدين وڪي ۽ ڊيزل، سندس ڀيڻ ڀاءُ جينيفر ۽ ايڊريو سڀ ننڍي قد جا آھن ۽ ماڻھو کين مذاق جو نشانو بڻائيندا رھندا آھن.
پيٽ جو چوڻ آھي تھ ٻاھر وڃڻ تي ھميشھ ماڻھو سندس گھرڀاتين تي ٺٺول ڪن ٿا ۽ ھو ھر وقت انھن سان وڙھڻ لاءِ تيار رھندا آھن، ھو پنھنجي والدھ وڪي کي چوندو آھي تھ ڪاش ھو بھ ننڍي قد جو ھجي ھا.
پيٽ اعتراف ڪيو تھ ھو پنھنجي ننڍي قد واري ڀاءُ اينڊيو سان ھڪ عرصي تائين ساڙ ڪندو رھيو، اينڊريو ڪيترائي ڀيرا ڪرنگھي جي ھڏي ۽ ساھھ جي تڪليف سبب اسپتال داخل ٿيو ۽ کيس خاص طور تي توجھھ بھ مليو.
