آمريڪي ماهرن هڪ دلچسپ تجربو ڪندي پالتو طوطن کي وڊيو ڪال ڪرڻ سيکاري آهي.
ميساچوسٽس انسٽيٽيوٽ آف ٽيڪنالاجي، نارٿ ايسٽرن يونيورسٽي ۽ گلسگو يونيورسٽي جي ماهرن طوطن تي محنت ڪري انهن کي وڊيو ڪال ڪرڻ سيکاري، جنهن کانپوءِ هاڻي طوطا هڪٻئي سان وديو ڪال تي ڳالهائي به رهيا آهن.
اِن منصوبي کي پيرٽ ٽو پيرٽ وڊيو ڪالنگ سسٽم فار انٽراسيپش ايٿيڪل انرچمينٽ جو نالو ڏنو ويو آهي.
اِن مطالعي ۾ طوطا اڳ ۾ گهنٽي وڄائيندا آهن، جنهن جي جواب ۾ انساني مددگار ٽيبليٽ کني اچن ٿا، ان کانپوءِ طوطا اسڪرين تي پنهنجي چهنب سان پنهنجي پسند جي پکيءَ جي تصوير تي چهنب هڻن ٿا، ٻي پاسي پکي وڊيو ڪال لاءِ موجود هوندو آهي.
سائنسدانن ڏٺو ته اهڙي طرح طوطن کي ٻين طوطن سان رابطو ڪرڻ جو موقعو ملندو آهي ۽ اُهي هڪٻئي سان ملي خوش ٿيندا آهن.
