اتحادي حڪومت جي ھلندڙ مالي سال جي شروعاتي 8مھينن دوران پاور سيڪٽر جي گردشي قرضن ۾ 19 ارب رپين جو اضافو ڪيو ويو آھي جنھن بعد گردشي قرض وڌي 2ڏھائي 67 ٽرلين رپيا ٿي ويو آھي.
ناڻي ۽ توانائي واري وزارت موجب، ھلندڙ مالي سال جولاءِ کان فيبري تائين گردشي قرضن جي ھر مھيني 52 ڏھائي 2 ارب رپين جو اضافو رڪارڊ ڪيو ويو آھي.
واضح رھي تھ ھلندڙ مالي سال جي شروعات ۾ گردشي قرض 2 ڏھائي 253 ٽرلين رپيا ھو، جيڪو ھاڻي وڌي 2ڏھائي 67 ٽرلين رپيا ٿي ويو، بجلي جي قيمتن ۾ واڌ جي باوجود حڪومت گردشي قرضن جي اضافي کي روڪڻ ۾ ناڪام رھي.
ذريعن جو چوڻ آھي تھ گذريل سال جون ۾ پاور پروڊيوسرز جو قرض ھڪ ڏھائي 35 ٽرلين رپين کان وڌي ھڪ ڏھائي 8 ٽرلين رپيا ٿي ويو ھو جنھن ۾ ھلندڙ مالي سال فيبري جي پڄاڻي تائين 456رپين جي واڌ ٿي چڪي آھي جيڪا گذريل سال جي مقابلي تمام گھڻي وڌيڪ آھي، فيول سپلاءِ ڪرڻ وارن جي رھتن ۾ 99 ارب رپين جو اضافو ٿيو آھي .
حڪومت لائن لاسز ۽ چوري جي روڪٿام لاءِ بھ اٽرائتا قدم کڻڻ لاءِ تيار آھي، گردشي قرضن ۾ واڌ جو ھڪ اھم سبب آھي، گردشي قرضن ۾ 232 ارب رپين جو اضافو لائن لاسز ۽ پاور ڊسٽريبوشن ڪمپنيز جي نااھلي سبب ٿيو.
ناڻي واري وزارت قرض گھٽ ڪرڻ لاءِ گذريل ھفتي 103 ارب رپين جي سبسڊي ڏني ھئي، ھلندڙ مالي سال حڪومت پاور سيڪٽر جي لاءِ 570 ارب رپين جي سبسڊي رکي ھئي جيڪا آءِ ايم ايف کان تازي مفاھمت کانپوءِ وڌي 905 ارپيا ڪئي وئي آھي.
