اتر وزيرستان، ٽانڪ ۽ ڊي آءِ خان ۾ سڪيورٽي فورسز جي ڪامياب آپريشن دوران 3 دهشتگرد مارجي ويا جڏهن ته 7 انتهائي گهربل دهشتگردن کي گرفتار ڪيو ويو.
ڊي جي آءِ ايس پي آر طرفان جاري ڪيل بيان ۾ چيو ويو ته اتر وزيرستان جي علائقي ميران شاهه ۾ سڪيورٽي فورسز ڳجهي اطلاع تي آپريشن ڪيو.
پاڪ فوج جي ترجمان موجب آپريشن دورن ستن دهشتگردن کي گرفتار ڪيو ويو آهي.
گرفتار دهشتگردن جو تعلق حافظ گل بهادر گروپ سان آهي ۽ گرفتار دهشتگردن ۾ ڪماڊر مهتاب عرف لالا سميت ست خطرناڪ دهشتگرد شامل آهن.
ڊي جي آءِ ايس پي آرموجب گرفتار دهشتگرد ڪيترين ئي دهشتگرد ڪاررواين ۾ ملوث آهن، جيڪو سڪيورٽي فورسز کي انتهائي گهربل هئا.
ترجمان چيو ته مقامي ماڻهن سڪيورٽي فورسز جي ڪارروائي جي واکاڻ ڪئي ۽ دهشتگردي جي خاتمي لاءِ هر ممڪن سهڪار جي خاطري ڪرائي .
هوڏانهن ٽانڪ ۽ ڊي آءِ خان ۾ ڳجهي آپريشن دوران دهشتگردن فائرنگ ڪئي.
پاڪ فوج جي ترجمان موجب، سڪيورٽي فورسز جي جوابي ڪارروائي ۾ ڪارروائي ۾ 3 دهشتگرد مارجي ويا.
آءِ ايس پي آر موجب، ، مارجي ويل دهشتگردن ۾ ڪمانڊر جبار شاهه المعروف شاهه عالم به شامل آهي.
