اسرائيلي جنگي جهازن جي غزه جي پٽيءَ تي بمباري جي نتيجي ۾ مزاحمتي تنظيم اسلامي جهاد جي ٽن سينئر ڪمانڊرز سميت 10 فلسطيني شهيد ٿي ويا.
پرڏيهي ميڊيا موجب اسرائيلي جنگي جهازن غزه شهر، رفاح ۽ خان يونس تي حملا ڪيا، بمباري کانپوءِ هڪ عمارت ۾ باهه لڳي ويئي، اسرائيل علائقي ۾ فلسطيني مزاحمتي تنظيم اسلامي جهاد کي هدف جو نشانو بنائڻ جي دعويٰ ڪئي آهي.
اسرائيلي حملي ۾ اسلامي جهاد جي ٽن سينئر ڪمانڊرز سميت 10 فلسطيني شهيد ٿي ويا، شهيد فلسطينين ۾ القدس برگيڊ جو ڪمانڊر خليل، برگيڊ جو ترجمان ۽ طارق ۽ سيڪريٽري جهاد غنم شامل آهن، جڏهن ته شهيد غنيم جي گهرواري به شهيد ٿي ويئي.
پرڏيهي ميڊيا رپورٽن موب اسرائيلي فوج غزه جي سرحدي ڪراسنگ به بند ڪري ڇڏي.
ٻئي طرف فلسطين طرفان جوابي حملي جي خطري کي نظر ۾ رکندي ڏکڻ اسرائيل ۾ خصوصي حالتون لاڳو ٿي ويون، اسرائيل جي ڏاکڻي علائقي ۾ مانهن کي بم شيلٽرز ۾ رهڻ جو مشورو ڏنو ويو آهي.
