اسرائيلي فورسز والاريل اولهه جي ڪناري واري علائقي جيريڪو ۾ فلسطيني نوجوان کي فائرنگ ڪري شهيد ڪري ڇڏيو.
عالمي ميڊيا رپورٽس موجب فلسطيني صحت واري وزارت جي اختيارين پريس ڪانفرنس ۾ تصديق ڪئي ته والاريل ڪناري جي علائقي جيريڪو ۾ پناهه گيرن تي ڪئمپ ۾ اسرائيلي قابض فوسرز هڪ فلسطيني نوجوان کي گوليون هڻي شهيد ڪري ڇڏيو.
علائقي واسين جو چوڻ هو ته اسرائيلي فورسز ڇاپا هڻي ٽن ڄڻن کي گرفتار ڪيو جن ۾ 20 ورهين جو سليمان عايش ۽ يد به شامل هئا جيڪي گرفتاري کان اڳ اسرائيل جي سڌي فائرنگ ۾ زخمي ٿي پيا هئا.
شهيد ڪيل نوجوان سليمان جي پيءُ جو چوڻ هو ته هو آرام ڪري رهيو هو ته فائرنگ جو آواز ٻڌي اٿي پيو، سندس پٽ ان وقت دوستن سان گڏ ٻاهر ويٺو هو جڏهن کيس گولين جو نشانو بڻايو ويو.
