اسلام آباد: توشاخانه ڪيس جي ٻڌڻي بنا ڪارروائي جي ملتوي

ڊسٽرڪٽ اينڊ سيشن ڪورٽ اسلام آباد، اليڪشن ڪميشن جي درخواست تي توشاخانه فوجداري ڪارروائي بابت ڪيس جي ٻڌڻي بنا ڪارروائي جي ملتوي ڪري ڇڏي.

ڊسٽرڪٽ اينڊ سيشن ڪورٽ اسلام آباد ۾ ايڊيشنل سيشن جج همايون دلاور توشاخانه فوجداري ڪارروائي بابت ڪيس جي ٻڌڻي ڪئي.

ٻڌڻي دوران تحريڪ انصاف جو وڪيل فيصل چوڌري عدالت ۾ پيش ٿيو.

عدالت خواجا حارث جي پيش نه ٿيڻ سبب ٻڌڻي 5 مئي تائين ملتوي ڪري ڇڏي.

عدالت ايندڙ ٻڌڻي تي درخواست ٻڌڻ جوڳي هئڻ بابت دليل طلب ڪري ورتا………