اسلام آباد هائيڪورٽ، 190 ملين پائونڊ ريفرنس ۾ پي ٽي آءِ بانيءَ جي ضمانت منظور ڪري ورتي.
پي ٽي آءِ بانيءَ جي درخواست تي اسلام آباد هائيڪورٽ جي چيف جسٽس عامر فاروق ۽ جسٽس محمود جهانگيريءَ فيصلو محفوظ ڪيو هو، جيڪو اڄ ٻڌايو ويو.
اسلام آباد هائيڪورٽ محفوظ ڪيل فيصلو ٻڌائيندي پي ٽي آءِ بانيءَ جي ضمانت منظور ڪري ورتي.
عدالت پي ٽي آءِ بانيءَ کي 10 لکن جا ضمانتي ڪاغذ جمع ڪرائڻ جي هدايت ڪندي کيس آزاد ڪرڻ جو حڪم ڏنو.
190 ملين پائونڊ ڪيس ۾ ضمانت باوجود پي ٽي آءِ باني جيل ۾ ئي رهندو، ڇاڪاڻ ته سائفر ڪيس ۽ عدت ڪيس ۾ سندس سزا معطل ناهي ٿي.
