پاڪستان سپر ليگ جي 21هين ميچ ۾ اسلام آباد يونائيٽيڊ ڪوئيٽا گليڊي ايٽرز کي شڪست ڏئي ٽورنامينٽ جي پلي آف مرحلي ۾ پهچي وئي.
راولپنڊي کيڏيل ميچ ۾ اسلام آباد يونائيٽيڊ ٽاس کٽي پهريان فيلڊنگ جو فيصلو ڪيو.
ڪوئيٽا گليڊي ايٽرز ميچ کٽڻ لاءِ 180 رنسن جو هدف ڏنو، جيڪو اسلام آباد يونائيٽڊ آخري اوور ۾ پورو ڪيو.
ڪولن منرو شاندار ڪارڪردگي ڏيکاريندي 29 بالن تي 63 رنسن جي شاندار اننگز کيڏي جڏهن ته ايلڪس هيلز 12، شاداب خان 8، مبشر خان 5، اعظم خان 35، آصف علي 6 ۽ حسن علي هڪ رنسون ٺاهي پويلين موٽي ويو.
ڪوئيٽا گليڊي ايٽرز جي بالر عميد آصف ٽي وڪيٽون ورتيون، جڏهن ته محمد نواز 2، نوين الحق ۽ افتخار احمد هڪ-هڪ رانديگر کي آئوٽ ڪيو.
ان کان اڳ ڪوئيٽا گليڊي ايٽرز جي ٽيم مقرر اوورن ۾ 179 رنسون ٺاهيون،
نجيب الله 59، محمد نواز 52، عمر اڪمل 43، افتخار احمد 2سرفراز احمد 3، افتخار احمد 2 ۽ ياسر خان 5 رنسون ٺاهيون.
اسلام آباد يونائيٽڊ جي بالر فضل الحق فارقي ٽن رانديگرن کي آئوٽ ڪيو.
ياد رهي ته اسلام آباد يونائيٽڊ جي ٽيم 7 مان 5 ميچون کٽيون آهن.
