اسپين جي عورت هڪ غار ۾ 5سئو ڏينهن اڪيلي رهي رڪارڊ قائم ڪيو آهي.
50ورهين جي بيٽريز فليميني پنهنجي ڊگهي مشن کان ٻاهر آئي ته کيس چٽي ڪلر جو چشمو پهريل هو ته جيئن سندس اکيون اس کي برداشت ڪري سگهن، هوءَ ڏکڻ اسپين جي شهر عرناطه جي هڪ غار ۾ 2سالن کان وڌيڪ عرصو اڪيلي رهي جيڪا 70 فٽ زمين ۾ هئي.
بيٽريز فليميني چيو ته وقت تيزي سان گذري ويو ۽ سندس ٻاهر نڪرڻ تي دل نه پئي ڪري، جڏهن مددگار عملو کيس وٺڻ آيو هو ته هو خواب ڏسي رهي هئي، هن اڃا تائين پنهنجو ڪتاب مڪمل نه ڪيو آهي.
اهڙي طرح 50ورهين جي بيٽريز فليميني غار ۾ اڪيلو رهي نئون رڪارڊ قائم ڪيو جنهن جي تحت سائنسدانن کي انساني دماغ ۽ جسم تي پوندڙ اثر جاچڻا هئا.
20 نومبر 2021 تي بيٽريز فليميني غار ۾ وئي هئي ۽ 14 اپريل 2023ع تي واپس آئي، ان دوران هو 8 ڏينهن جي لاءِ ٻاهر آئي هئي ته جيئن سندس انٽرنيٽ رائوٽر جي مرمت ٿي سگهي، انهي ڪري هن ٻاهر موجود سائنسدانن سان پنهنجو رابطه بحال رکيو هو.
ان دوران هو ورزش ڪندي رهندي هئي، هن ڪتاب لکڻ شروع ڪيو، پنهنجي وقت کي رڪارڊ ڪرڻ لاءِ وٽ ٻه ڪيمرائون پڻ هيون، هن وٽ 1000 لٽر پاڻي هو ۽ پڙهڻ لاءِ 60 ڪتاب پڻ موجود هئا.
