جماعت اسلامي جي امير سراج الحق چيو آهي ته افراتفري ۾ سڀ کان وڌيڪ نقصان غريب عوام جو ٿي رهيو آهي، سياسي بدحالي سبب پاڪستان دنيا ۾ تماشو بڻيل آهي، پهريون ڀيرو پارليامينٽ ۽ عدليا آمهون سامهون آهن، سياست جو مسئلو سياستدانن کي پاڻ حل ڪرڻو آهي.
اسلام آباد ۾ ميڊيا سان ڳالهائيندي سراج الحق چيو ته مولانا هدايت الرحمان کي ڪوڙي ڪيس ۾ ملوث ڪيو ويو آهي سندس ڪيس داخل سپريم ڪورٽ ۾ آيا آهن اميد آهي ته عدالت مان انصاف ملندو.
سندس چوڻ هو ته جيڪڏهن ملڪ کي بچائڻو آهي ته کين چونڊن طرف ئي وڃڻو آهي، سياست جو مسئلو سياستدانن کي پاڻ حل ڪرڻو آهي.
جماعت اسلامي جي امير سراج الحق چيو ته ملڪ ۾ سياسي ڏڦير آهي ۽ ان افراتفري ۾ سڀ کان وڌيڪ نقصان غريب عوام جو ٿي رهيو آهي، پارليامينٽ ۽ عدليا آمهون سامهون آهن، ججن وچ ۾ اختلاف ختم ڪرڻ انهن جي پنهنجي ذميواري آهي.
هن چيو ته چونڊن بابت متفقه تاريخ لاءِ وڌيڪ رابطن جي ضرورت آهي، هنن چيو آهي ته عيدالاضحيٰ کانپوءِ تاريخ طئي ڪئي ويندي جڏهن ته سمورا حاجي سڳورا واپس اچي ويندا، جماعت اسلامي ٻين سياسي پارٽين سان وڌيڪ رابطا جاري رکندي.
جماعت اسلامي جي امير سراج الحق چيو ته سياسي بدحالي سبب پاڪستان دنيا ۾ تماشو بڻيل آهي، هو چاهن ٿا ايندڙ چونڊون ڌانڌلي کان پاڪ هجن.
