امريڪا جي اڳوڻي صدر ڊونلڊ ٽرمپ عدالتي ڪارروائي کي چونڊ عمل ۾ مداخلت قرار ڏئي ڇڏيو، سندس چوڻ آهي ته ساڍا 7 ڪروڙ ووٽ کڻندڙ آمريڪي صدر تي فردجرم لاڳو ڪيو پيو وڃي، سندس ڏوهه اهو آهي ته هن پنهنجي قوم جي ماڻهن جو بنا خوف ۽ خطري جي دفاع ڪيو.
نيويارڪ جي عدالت ۾ پيشي کانپوءِ فلوريڊا ۾ چونڊ ريلي کي خطاب ڪندي ڊونلڊ ٽرمپ چيو ته سندس مٿان ڪوڙا الزام لڳايا ويا آهن، اهي ڪيس 2024 جي اليڪشن جي سلسلي ۾ سامهون آندا ويا آهن.
هن چيو ته بائيڊن جي دور ۾ روس چين سان ۽ سعودي عرب ايران سان ڀائيوار ڪئي، جيڪڏهن هو صدر هجي ها ته ائين نه ٿئي ها.
ٽرمپ چيو ته آمريڪا بدنظمي جو شڪار ۽ معيشت تباهه ٿي رهي آهي، مهانگائي به قابو کان ٻاهر آهي.
ڊونلڊ ٽرمپ 2024ع ۾ ٻيو ڀيرو آمريڪا جو صدر بڻجڻ لاءِ پراميد آهي، هن وڌيڪ چيو ته بي شڪ هو هر صورت ۾ امريڪا کي ٻيهر عظيم بڻائيندا…….
