امريڪا ۾ پاڪستاني سفير فارن ملٽري فنانسنگ ۽ فارن ملٽري سيلز بحال ڪرڻ جو مطالبو ڪري ڇڏيو

امريڪا ۾ پاڪستاني سفير مسعود خان فارن ملٽري فنانسنگ ۽ فارن ملٽري سيلز بحال ڪرڻ جو مطالبو ڪري ڇڏيو.
واشنگٽن ۾ ڏکڻ ايشيا انسٽيٽيوٽ جي انتظام هيٺ ڪانفرنس کي خطاب ڪندي پاڪستاني سفير مسعود خان پاڪستان ۽ امريڪا فيصلو ڪيو آهي ته سڪيورٽي فريم ورڪ ٻيهر شروع ڪيو وڃي، ان جو مقصد خطي جي سڪيورٽي دهشتگردي ختم ڪرڻ ۽ افغانستان ۾ استحڪام کي هٿي ڏيڻ آهي.
پاڪستاني سفير چيو ته امريڪا، پاڪ-ڀارت ڳالهين لاءِ حوصلا افزائي ڪري ٿو، ڪشمير مسئلي جي حل لاءِ امريڪا اهم ڪردار ادا ڪري سگھي ٿو.
هن چيو ته ڏکڻ ايشيائي خطي ۾ استحڪام ۽ توازن لاءِ واشنگٽن ڪردار ادا ڪري.
سندس چوڻ هو ته روسي تيل خريد ڪرڻ کان اڳ امريڪا سان مشاورت ٿي، منظوري کانپوءِ ئي پاڪستان روس کان سستو تيل خريد ڪري رهيو آهي، اميد آهي ته روسي تيل جي پهرين کيپ جلد ملڪ پهچندي.
مسعود خان وڌيڪ چيو ته امريڪا سان لاڳاپا ٻيهر پٽڙي تي اچي ويا vآهن هاڻي پرڏيهي فوجي فنانسنگ ۽ پرڏيهي ملٽري سيلز بحال ٿيڻ گھرجي.