امريڪي ڳجھا دستاويز ظاھر ڪندڙ ھڪ شخص شخص کي گرفتار ڪيو ويو آھي.
امريڪي ميڊيا رپورٽس موجب، جوابدار جي سڃاڻپ رياست ميساچوسٽس جي انٽرنيشنل گارڊز جي ميمبر جيڪ ٽيڪسيرا جي طور ٿي آھي.
جيڪ ٽيڪسيرا کي ايف بي آءِ ميساچوسٽس کي گرفتار ڪيو، ايف بي آءِ جي موجب يوڪرين جنگ بابت ڳجھا دستاويز ليڪ ڪندڙ جيڪ کي عدالت ۾ پيش ڪيو ويندو.
رپورٽس موجب جوابدار لائن گروپ جو ليڊر آھي جنھن تي دستاويز جاري ڪيا ھئا، ايف بي آءِ جي طرفان جوابدار جي گھر تي ڇاپو ھڻي کيس گرفتار ڪيو ويو.
امريڪي بچاءَ واري کاتي پينٽاگون جو چوڻ آھي تھ جوابدار ڄاڻي واڻي اھو قدم کنيو.
امريڪي اخبار نيويارڪ ٽائمز موجب 21 ورھين جو جيڪ ٽيڪسيرا 20 کان 30 ماڻھن تي ٻڌل گروپ جي اڳواڻي ڪندو آھي، آن لائن گروپ تي بندوقن، وڊيو گيمز سان دلچسپي جا پيغام ۽ نسل پرستاڻا ميمز شيئر ڪيا ويندا آھن.
امريڪي انصاف واري وزارت ليڪ ٿيل دستاويزن جي جاچ گذريل ھفتي شروع ڪئي ھئي، پينٽاگون جي ڳجھي دستاويزن کي انسٽنٽ ميسجنگ پليٽ فارم ڊڪورڊ تي شيئر ڪيو ويو ھو.
امريڪي ڳجھي دستاويزن ۾ روس تي حملي جي لاءِ يوڪرين کي ھٿيار ڏيڻ بابت معلومات شامل ھئي، جنگي منصوبي ۾ يوڪرينن کي وڏي انگ ۾ مارجڻ جو بھ ذڪر ڪيو ويو.
رپورٽس موجب انھن دستاويزن ۾ دعويٰ ڪئي وئي تھ جنگ ۾ ھن وقت تائين 71 ھزار 5سئو يوڪريني فوجي مارجي چڪا آھن، جڏھن تھ جنگ ۾ 16ھزار کان 17ھزار روسي فوجي ماريا ويا آھن.
ليڪ ٿيل دستاويزن موجب، امريڪا پنھنجي اتحادي ڏکڻ ڪوريا جي بھ جاسوسي ڪندو رھيو، جڏھن تھ چين کان روس کي ھٿيار فراھم ڪرڻ جو بھ ذڪر ڪيو ويو ھو.
