باليووڊ اداڪارا انوشڪا شرما ويرات ڪوھلي سان شادي ڪرڻ جو سبب ٻڌائي ڇڏيو.
اداڪارا انوشڪا شرما اسپورٽس آنر 2023ع ايوارڊ شو ۾ شريڪ ٿي، ميزبان جي سوالن جا جواب ڏيندي ويرات سان بھترين ياداشت ھجڻ تي شادي جو ڪارڻ قرار ڏنو.
ميزبان اداڪارا کان سوال ڪيو تھ اوھان ٻنھي مان ڪير اھم تاريخون وساري ڇڏيندو آھي ؟ جنھن تي ويرات ڪوھلي جواب ڏيندي چيو تھ انوشڪا کيس اھم تاريخون ٻڌائي ڇڏيندي آھي تھ جيئن ھو ياد رکي ڇو تھ ان معاملي ۾ سندس ياداشت بھتر آھي.
انوشڪا شرما چيو تھ ھوءَ شادي کان اڳ ويرات جي ياداشت کان گھڻو متاثر ٿي ھئي، ھن سوچيو سندس ياداشت گھڻي مددگار ثابت ٿيندي.
واضح رھي تھ انوشڪا شرما ۽ ويرات ڪوھلي جي ملاقات 9سال اڳ 2013ع ۾ ھڪ شيمپو جي ڪمرشل جي شوٽنگ دوران ٿي ھئي جنھن بعد ٻئي ھڪٻئي سان ڊيٽ ڪرڻ لڳا ۽ پوءِ 2017ع ۾ ان جوڙي شادي ڪئي.
