انٽربئنڪ ۾ رپئي جي ڀيٽ ۾ امريڪي ڊالر جي اگهه ۾ واڌ

انٽربئنڪ ۾ رپئي جي ڀيٽ ۾ امريڪي ڊالر جي اگهه ۾ واڌ وارو سلسلو جاري آهي.

اڄ انٽربئنڪ ۾ ڪاروبار دوران هڪ امريڪي ڊالر هڪ رپيو 21پئسا مهانگو ٿي 288 رپيا 50پئسن جو ٿي ويو.

ڪاروبار جي پڄاڻي تي هڪ امريڪي ڊالر 287 رپيا 85 پسن تي بند ٿيو، جڏهن ته انٽر بئنڪ ۾ گذريل ڏينهن ڊالر 287 رپيا 29 پئسن تي بند ٿيو هو.

ڪاروبار دوران اوپن مارڪيٽ ۾ به ڊالر هڪ رپيا مهانگو ٿيڻ بعد 292 رپين جو ٿي ويو.