انٽرويو جون فضول ڳالهيون وائرل ٿي وينديون آهن: ايمان علي

پاڪستان شوبز انڊسٽري جي ناليواري اداڪارا ايمان علي چيو آهي ته سندس انٽرويو جون فضول ڳالهيون وائرل ٿي وينديون آهن ۽ اهم ڳالهيون رهجي وينديون آهن.

اداڪارا ايمان علي هڪ ٽي وي چئنل جي شو ۾ شرڪت ڪئي، ميزبان جي سوال جو جواب ڏيندي اداڪارا ايمان علي چيو ته سوشل ميڊيا تي سندس ڪاوڙ آهي ڇو ته ان تي ماڻهو بدتميزي ڪن ٿا، سستي ماڻهوءَ جيان تصويرون رکڻيون پون ٿيون.

اداڪارا ايمان علي چيو ته اهڙي شوز ۾ کيس گهرايو وڃي ٿو ۽ پوءِ هرو ڀرو جي تعريف ڪرڻي پوي ٿي جيڪا کيس پسند نه آهي.