اوٻاوڙو ويجهو کنڀڙا ٿاڻي جي حد ۾ شادي جي تقريب ۾ هوائي فائرنگ دوران مبينا طور گولي لڳڻ سبب هڪ نوجوان مارجي ويو.
ڳوٺ کنڀڙا ۾ شادي تقريب دوران نوجوان صابر کنڀڙو پاران خوشي ۾ هوائي فائرنگ دوران مبينا گولي لڳڻ سبب نوجوان نظير احمد کنڀڙو زخمي ٿي پيو.
وارثن زخمي نوجوان کي رحيم يار خان اسپتال منتقل ڪيو، جتي هن زخمن جي سٽ نه سهندي دم ڏئي ڇڏيو.
مقتول نوجوان جي والد جو چوڻ هو ته هوائي فائرنگ دوران سندس پٽ گولي لڳڻ سبب قتل ٿي ويو آهي، جوابدار کي گرفتار ڪيو وڃي.
پوليس جو چوڻ آهي ته جوابدار واقعي واري هنڌ تان فرار ٿي ويو آهي، کيس جلد گرفتار ڪيو ويندو.
