- Advertisement -
اينٽي ڪرپشن کاتي، گڊو بئراج جي پل، دروازن جي مرمت ۽ صفائي جي مد ۾ 93 ڪروڙ رپين جي گهوٻين جي انڪشاف بعد نوٽيس وٺندي جاچ جو حڪم ڏئي ڇڏيو.
اينٽي ڪرپشن کاتي سنڌ نوٽيس وٺندي ڊپٽي ڊائريڪٽر لاڙڪاڻي کي جاچ جي هدايت ڪئي.
اينٽي ڪرپشن کاتي طرفان هدايت ڪئي وئي ته ڪرپشن ۾ ملوث عملدارن خلاف قانون موجب ڪاروائي ڪئي وڃي.
اهڙي حڪم بعد ڊائريڪٽر اينٽي ڪرپشن لاڙڪاڻو آبپاشي کاتي کان رڪارڊ طلب ڪري جاچ شروع ڪري ڇڏي.
اينٽي ڪرپشن کاتي کي ڪشمور جي رهواسي گهوٻيون هڻندڙن خلاف ڪارروائي لاءِ درخواست ڏني.
درخواست ۾ الزام هنيو ويو ته گڊو بئراج ايٽ ڪشمور ڊويزن جو ايگزيڪيوٽو انجنيئر شبير ڀٽو گڊو بيراج جي پل، گيٽن جي مرمت، صفائي، ايريگيشن ڪالوني جي ڪوارٽرن جي مرمت ۽ ٻين مختلف ڪمن جي مد ۾ مجموعي طور تي 93 ڪروڙ رپين جون گهوٻيون هڻي پنهنجي مقرري ٻئي جڳھه تي ڪرائي ڇڏي آهي.
اينٽي ڪرپشن وٽ شڪايت ڪندڙ گهر ڪئي آهي ته گهوٻين ۾ ملوث ايگزيڪيوٽو انجنيئر ۽ ٻين ملوث عملدارن خلاف ڪيس داخل ڪري ڪاروائي ڪئي وڃي.
شڪايت ۾ چيو ويو آهي ته مٿي ڄاڻايل عملدارن قومي ناڻي کي نقصان رسايو آهي ڪرپٽ عملدارن کان ڪرپشن هيٺ آيل ناڻو واپس ڪرائي قومي خزاني ۾ جمع ڪرايو وڃي.
هوڏانهن الزامن هيٺ آيل آبپاشي کاتي جي ايگزيڪيوٽو انجنيئر شبير احمد رابطو ڪرڻ تي ٻڌايو ته مٿن ڪرپشن جا الزام بي بنياد آهن.- Advertisement -
