تحريڪ انصاف جي سيڪريٽري جنرل اسد عمر چيو آهي ته اپريل جو مهينو ملڪي تاريخ جو بلند ترين مهانگائي جي شرح جو مهينو هو، عمران خان جي حڪومت ختم ڪرڻ جي هڪ سال بعد مهانگائي جي شرح ٽيڻ تي وڌي چڪي آهي، ايتري معاشي تباهي هن ملڪ ۾ ڪڏهن ناهي ڏٺي، بشريٰ بي بي گهريلو عورت آهي سندس سياست سان ڪوبه تعلق ناهي.
جاري ڪيل بيان ۾ اسد عمر چيو ته جهيڙي طرح عمران خان تي قاتلاڻي حملي کان اڳ ڪوڙو موقف ٺاهيو ويو ته ڪو مذهبي وڳوڙي عمران خان تي حملو ڪندو.
سندس چوڻ هو ته اهو ئي موقف هاڻي مراد سعيد بابت شروع ڪرايو ويو آهي، موقف شروع ڪرڻ وارا ڪردار به اهي ئي آهن ۽ رٿابندي ڪرڻ وارا ڪردار به ساڳيا ئي آهن.
تحريڪ انصاف جي سيڪريٽري جنرل اسد عمر چيو ته بشريٰ بي بي گهريلو عورت آهي سندس سياست سان ڪوبه تعلق ناهي، مٿس الزامن مان ثابت ٿئي ٿو ته عمران خان تي هڪ سال بعد به ڪو غيرقانوني ڪم ڪرڻ جو هڪ به ثبوت هٿ ناهي ڪري سگهيا.
