اڃا ڇا ڪندئو؟ شوبز شخصيتن جو عمران خان جي گرفتاري تي رد عمل
اداڪارا مايا علي اڳوڻي وزيراعظم عمران خان جي گرفتاري تي رد عمل ڏيندي ان ڏهاڙي کي قوم لاءِ ڪارو ڏهاڙو قرار ڏئي ڇڏيو.
مايا علي انسٽاگرام تي اسٽوري شيئر ڪئي جنهن ۾ لکيل هو ته عمران خان جي گرفتاري قوم ۽ ملڪ لاءِ ڪارو ڏهاڙو آهي.
اداڪارا مايا علي هڪ ٻي اسٽوري شيئر ڪئي، اداڪارا جو چوڻ هو ته هوءَ سڀني کي چوي ٿي ته ٻئي کي نقصان نه پهچايو وڃي، ٻين جي گاڏين، دڪانن ۽ موٽرسائيڪل کي نقصان نه پهچايو ۽ ڪپتان جي حمايت ۾ گهرن کان ٻاهر نڪرو پر ڪنهن کي نقصان نه پهچايو.
اداڪارا پنهنجي اسٽور ۾ اهو به لکيو ته اهو هڪ سنجيده معاملو آهي، بنا ڪنهن کي نقصان پهچائڻ جي ان معاملي کي سمجهداريءَ سان ڏسڻو آهي ۽ جيڪي ماڻهو ملڪيتن کي نقصان پهچائي هنگامو ڪري رهيا آهن اهي هنن مان نه آهن ۽ اهي ڄاڻين ٿا ته اهي ڪير آهن.
مايا علي لکيو ته هن مشڪل وقت ۾ ماڻهن جي مدد ڪيو ۽ هڪ قوم جيان پنهنجي ملڪ جي لاءِ ايئن ئي گڏ ٿي بيهي رهو جيئن ڪپتان چاهي ٿو.
ٻي اداڪارا مريم نفيس به عمران خان جي گرفتاري تي هڪ اسٽور شيئر ڪئي جڏهن ته اداڪارا امر خان به انسٽا گرام اسٽوري شيئر ڪندي موجوده صورتحال تي ڪاوڙ جو اظهار ڪيو.
اداڪارا ماهرا خان ملڪي صورتحال کي ڏسندي الله کان مدد گهري.
