اڄ زندگيءَ جو شايد سڀ کان وڏو ڏينهن آهي : مريم نواز

مسلم ليگ نون جي چيف آرگنائيز مريم نواز چيو آهي ته جيترا ڏک ۽ تڪليفون نواز شريف گذريل 24 ورهين ۾ برداشت ڪيا آهن شايد ئي ان جو ڪو مثال هجي ۽ سندس ڪجهه زخم اهڙا آهن جيڪي ڪڏهن نه ڀرجندا پر جيترا عروج به نواز شريف ڏٺا آهن اهي به شايد ئي ڪنهن ٻئي جي حصي ۾ نه آيا هجن. سماجي رابطن واري ويب سائيٽ ٽوئيٽر تي جاري ڪيل ٽوئٽ ۾ مريم نواز چيو ته سندس زندگي جو شايد اڄ سڀ کان وڏو ڏينهن آهي، هوءَ الله پاڪ جي شڪر گذار آهي. سندس چوڻ هو ته جيترا ڏک ۽ تڪليفون نواز شريف گذريل 24 ورهين ۾ برداشت ڪيا آهن شايد ئي ان جو ڪو مثال هجي. مسلم ليگ نون جي چيف آرگنائيز مريم نواز چيو ته نواز شريف جا ڪجهه زخم اهڙا آهن جيڪي ڪڏهن نه ڀرجندا پر جيترا عروج به نواز شريف ڏٺا آهن اهي به شايد ئي ڪنهن ٻئي جي حصي ۾ نه آيا هجن. مريم نواز چيو ته پاڪستان اڄ نواز شريف جو هڪ ٻيو عروج ڏسڻ وڃي پيو.