اڏيرولال اسٽيشن سميت مٽياري ضلعي جي ننڍن وڏن شهرن ۾ 189 افغاني ترسيل هئڻ جو انڪشاف ٿيو آهي جڏهن ته پوليس رهندڙن افغانين خلاف ڪابه ڪارروائي ناهي ڪئي.
ذريعن موجب مٽياري ضلعي ۾ آدمشماري دوران ضلعي مٽياري جي مختلف علائقن ۾ 189 افغاني پٺاڻ رهڻ جو رڪارڊ گڏ ڪيو ويو هو.
ڊپٽي ڪمشنر مٽياري لال ڏنو منگي لاڳاپيل کاتن کي جاري ڪيل خط ۾ ڄاڻايو آهي ته انٽيليجنس ۽ مقامي ڳجهن ادارن پاران مليل رپورٽ موجب ضلعي ۾ ڪو به افغاني موجوده ناهي.
خط ۾ وڌيڪ چيو ويو آهي ته آدمشماري دوران اهو ظاهر ٿيو ته ضلعي ۾ 189 افغاني رهن ٿا.
ڊپٽي ڪمشنر مٽياري خط ۾ چيو ته لاڳاپيل ادارا فوري طور ضلعي ۾ رهندڙ افغانين جو پتو لڳائن ته جيئن هو حڪومت جي حڪم تحت کين نيڪالي ڏئي سگهن……..
