تحريڪ انصاف چيئرمين عمران خان چيو آهي ته اڳوڻي آرمي چيف جنرل قمر باجوه جي چوڻ تي اسيمبليون ٽوڙيون، تحريڪ انصاف عام چونڊن لاءِ تيار آهي.
هڪ انٽرويو ۾ عمران خان چيو ته هن صدر عارف علوي سان گڏجي اڳوڻي آرمي چيف جنرل قمر جاويد باجوه سان ملاقات ڪئي، جنرل باجوه چيو ته جيڪڏهن توهان چاهيو ٿا ته عام چونڊون ٿين ته پنهنجي حڪومت ختم ڪيو جنهن تي هنن پنهنجون حڪومتون ختم ڪيون.
هن چيو ته هنن عام چونڊن جي ڀرپور تياري ڪئي آهي، مسلم ليگ ن چونڊن کان ڀڄي رهي آهي ڇو ته اها ختم ٿي چڪي آهي، مهانگائي سبب ماڻهو حڪمرانن کان نفرت ڪري رهيا آهن.
سندس چوڻ هو ته هو مسلم ليگ ن کي پنجاب جي چونڊن کان ڀڄڻ نه ڏيندا ۽ 14 مئي کان اڳتي وڃڻ نه ڏيندا، آئين تحت 90 ڏينهن اندر عام چونڊون ٿيڻ ضروري آهن.
عمران خان چيو ته وزيراعظم اسيمبلي ٽوڙي ته جولاءِ ۾ گڏيل اليڪشن ٿي سگهن ٿيون ۽ هو عام چونڊن بابت ڳالهين لاءِ تيار آهن.
هن چيو ته سندن سڀ کان وڏي شرط اها آهي ته نگران حڪومت جو مدو پورو ٿي چڪو آهي ۽ 90 ڏينهن کانپوءِ نگران حڪومتون غير آئيني آهن، نگران حڪومت ختم ڪري حقيقي ڻڌري نگران حڪومت آندي وڃي.
