پاڪ فوج چيو آهي ته اڳوڻي آرمي چيف جي جنگي قابليت بابت بيان کي ٽوڙي مروڙي پيش ڪيو ويو آهي، پاڪ فوج جي جنگي تيارين بابت ميڊيا تي بحث سامهون آيو آهي، اهڙا بحث اڳوڻي آرمي چيف جي انٽريو بعد سامهون آيا آهن، وطن جي بچاءَ لاءِ جنگي تياريون ڀرپور آهن، پاڪ فوج ملڪي بچاءَ لاءِ جنگي هٿيارن کي هميشه تيار رکندي آهي، پاڪ فوج جنگيون وڙهڻ جي مڪمل صلاحيت رکي ٿي، پاڪ فوج جا آفيسر ۽ جوان ملڪ جي بچاءَ لاءِ هر وقت تيار آهن.
اڳوڻي آرمي چيف جي بيان بابت تبصرن تي پنهنجو رد عمل ظاهر ڪندي آءِ ايس پي آر چيو ته اڳوڻي آرمي چيف جي ميڊيا سان آف دي رڪارڊ ڳالهين کي ٽوڙي مروڙي پيش ڪيو ويو.
آءِ ايس پي آر موجب، تازو ئي پاڪستان وٽ موجود هٿيارن جي نظام جي صورتحال بابت پاڪ فوج جي جنگي تيارين بابت ميڊيا تي بحث سامهون آيو آهي.
آءِ ايس پي آر جو چوڻ آهي ته پاڪستان لاءِ مستقبل جي خطرن جي باري ۾ اڳوڻي آرمي چيف جي خيالن کي بنياد بڻائي ان موضوع تي خيالن جو اظهار ڪيو ويو.
آءِ ايس پي آر موجب، اڳوڻي آرمي چيف جي هڪ آف دي رڪارڊ انٽڙ ايڪٽو سيشن ۾ ميڊيا جي نمائندن سان ڳالهيون ڪيون جنهن کي ميڊيا ۾ ٽوڙي مروڙي پيش ڪيو ووي آهي.
آءِ ايس پي آر جو چوڻ آهي ته هو عوام کي يقين ڏيارن ٿا ته وطن جي بچاءَ لاءِ جنگي تياريون ڀرپور آهن.
آءِ ايس پي آر موجب، پاڪ فوج هميشه آپريشنل تياريون ۽ انتهائي جنگي قابليٿ تي فخر ڪيو ۽ ڪندي رهندي.
آءِ ايس پي آر جو چوڻ آهي ته پاڪ فوج وطن جي بچاءَ لاءِ هر وقت تيار آهي ۽ ملڪي بچاءَ لاءِ جنگي هٿيارن کي هميشه تيار رکندي آهي،
آءِ ايس پي آر موجب، پاڪ فوج جنگيون وڙهڻ جي مڪمل صلاحيت رکي ٿي، پاڪ فوج جا آفيسر ۽ جوان ملڪ جي بچاءَ لاءِ هر وقت تيار آهن.
