ٽن حڪومتي وڏن پاران پارليامينٽ جي بالادستي يقيني بڻائڻ بابت صلاح مشورا ڪيا ويا آهن.
ذريعن موجب، اڳوڻي صدر آصف علي زرداري، پي ڊي ايم سربراهه مولانا فضل الرحمان ۽ ن ليگ قائد نواز شريف ۾ رابطو ٿيو آهي.
ذريعن جو چوڻ آهي ته اعليٰ عدليا ۾ ججز جي مقرري، جوڊيشل ڪائونسل بابت آئين ۽ قانون ۾ ترميم بابت صلاح مشورو ڪيو ويو.
ذريعن موجب، سپريم جوڊيشل ڪائونسل جي ڪارروائي جي رپورٽ پارليامينٽ ۾ پيش ڪرڻ جي به تجويز ڏني وئي.
ذريعن جو چوڻ آهي ته ججن جي مقرريءَ بابت پارلياماني ڪميٽي جو رڳو پوسٽ آفيس جو ڪردار ختم ڪرڻ جي سفارش ڪئي وئي.
ذريعن موجب، پارلياماني ڪميٽي کي وڌيڪ بااختيار بڻائڻ لاءِ فاروق ايڇ نائڪ جي تجويزن کي اڳتي وڌائڻ تي اتفاق ڪيو ويو.
ذريعن جو چوڻ آهي ته ججن جي مقرريءَ بابت پارلياماني ڪميٽي ذريعي اعليٰ عدليا ۾ ججن جي مقرري ڪئي ويندي.
ذريعن موجب، ٽن حڪومتي وڏن پاران توهين عدالت جي قانون ۾ ترميم بابت به صلاح مشورا ڪيا ويا جڏهن ته حڪمران اتحاد جي قانوني ۽ آئيني ماهرن کي عدالتي سڌارن بابت ڌار ڌار قانوني مسودو تيار ڪرڻ جي به هدايت ڪئي وئي.
