اڳوڻي وزيراعظم نواز شريف جو موقف مهانگائي، لوڊشيڊنگ ۽ بدحالي تي ضابطو آڻڻ آهي: خواجا آصف

مسلم ليگ ن اڳواڻ خواجا آصف چيو آهي ته اڳوڻي وزيراعظم نواز شريف جو موقف مهانگائي، لوڊشيڊنگ ۽ بدحالي تي ضابطو آڻڻ آهي، لاهور جلسي گاهه ۾ ته ٻن ڏينهن کان رونق نظر اچي رهي آهي، سندس 35 ورهين جي سياسي ڪيريئر جو هي وڏو جلسو هوندو. سيالڪوٽ ۾ ميڊيا سان ڳالهائيندي خواجا آصف چيو ته ذوالفقار علي ڀٽو کي ڦاهي ڏيڻ کانپوءِ اڄ به پيپلز پارٽي زنده آهي، ڀٽو کي ڦاهي ڏيڻ وارن جو نالو وٺڻ وارو به ڪو ناهي. سندس چوڻ هو ته نواز شريف کي جلا وطن ڪندڙ مشرف کي ماڻهو وساري چڪا آهن پر نواز شريف جو آڌرڀاءُ اڄ به ٿي رهيو آهي. مسلم ليگ ن اڳواڻ خواجا آصف چيو ته ماڻهو سمجهن ٿا ته نواز شريف کين خوشحالي ڏياريندو، نواز شريف واضح ڪري ڇڏيو آهي ته هو 28 مئي وارا آهن 9 مئي وارا ناهن. هن چيو ته نواز شريف ملڪ کي ايٽمي طاقت بڻايو، اها سندس خلوص ۽ ملڪ سان محبت جي علامت آهي، هڪ شخص ملڪي سلامتي کي للڪاريو، ٻنهي ۾ اهو واضح فرق آهي. مسلم ليگ ن اڳواڻ خواجا آصف چيو ته اڳوڻي وزيراعظم نواز شريف جو موقف مهانگائي، لوڊشيڊنگ ۽ بدحالي تي ضابطو آڻڻ آهي