جاچ ادارن اڳوڻي گورنر ڊاڪٽر عشرت العباد خلاف زمينن تي قبضي ۽ ڪرپشن جي جاچ شروع ڪري ڇڏي آهي.
سنڌ ۾ سسٽم خلاف ٿيل ڪاررواين ۾ پڪڙيل جوابدارن عشرت العباد خلاف به انڪشاف ڪيا آهن.
لينڊ مافيا جي ماڻهن جي انڪشافن بعد عشرت العباد سان واڳيل ڪيترن ئي ماڻهن کي حراست ۾ ورتو ويو آهي.
جاچ ادارا عشرت العباد جي ويجهن مائٽن جي به ڳولا آهي.
ذريعن موجب اڳوڻي گورنر جون ڪيتريون ئي قيمتي ملڪيتون سندس ويجهي مائٽ جي نالي تي آهن.
جاچ ادارن کي هڪ وڪيل جي به ڳولا آهي، جنهن جي مدد سان عشرت العباد ڪراچي ۾ بلڊر کي غير قانوني اجازت ناما ڏئي اربين رپيا ٺاهيا.
اڳوڻي گورنر ايم ڊي ايَ ۾ ڊي جي ايم ڊي اي امير زاده ڪوهاٽي ذريعي اربين رپين جي ايراضي ۾ ڦير ڦار ڪئي.
امير زادا ڪوهاٽي خلاف 2011ع ۾ اربين رپين جا اثاثا ٺاهڻ تي نيب جاچ شروع ڪئي هئي، دبئي ۾ امير زادا ڪوهاٽي عشرت العباد جي ملڪيتن ۽ ڪاروبار جي سار سنڀال ڪندو رهيو
