بالي وڊ جي فلم “پٺاڻ” هڪ سئو ڪروڙ بزنس ڪري نئون رڪارڊ قائم ڪري ورتو آهي، فلم جي رڪارڊ بزنس سان ڪنگ خان شاهه رخ هڪ ڀيرو وري ڪاميابيءَ جي آسمان تي پهچي ويو آهي.
بالي وڊ ڪنگ شاهه رخ خان جي گهرواري گوري خان پٺاڻ فلم جي ليڊ فنڪارن جي تصويرن سان ڪيل ٽوئٽ ۾ لکيو آهي ته پٺاڻ فلم سئنيما جي تاريخ ۾ هن مهل تائين وڌيڪ بزنس ڪندڙ هندي فلم بڻجي وئي آهي.
هن لکيو ته پٺاڻ فلم هن مهل تائين سڄي دنيا ۾ هڪ هزار 26 ڪروڙ رپين جو بزنس ڪري چڪي آهي.
يش راج فلمز موجب فلم ڀارت ۾ 640 ڪروڙ رپين جو بزنس ڪيو آهي، جڏهن ته ڀارت کان ٻاهر فلم 386 ڪروڙ رپين جو بزنس ڪيو آهي ۽ ڪمائيءَ جو اِهو سلسلو لڳاتار جاري آهي.يش راج فلمز طرفان پٺاڻ فلم جي ٽڪيٽ جو ريٽ گهٽائڻ جو اعلان پڻ ڪيو آهي ته جيئن وڌ ۾ وڌ ماڻهو سئنيمائن ۾ پهچن.
