برازيل جي صدر لولا ڊي سلوا آرمي چيف کي برطرف ڪري ڇڏيو.
غيرملڪي خبر ايجنسي جي مطابق صدر لولا ڊي سلوا برازيل جي شهر برازيليا ۾ ٻن هفتن جي احتجاج بعد مُلڪ جي آرمي چيف جنرل جوليو سيزر ڊي اروڊا کي پنهنجي عهدي تان برطرف ڪري ڇڏيو.
ميڊيا رپورٽس جي مطابق آرمي چيف جنرل جوليو 30هين ڊسمبر تي پنهنجو عهدو سنڀاليو هو.
جنرل جوليو اروڊا جي جڳهه تي صدر لولا ڊي سلوا جي ويجهي ڪمانڊر جنرل ٽومس ربيريو پيويا کي نئون آرمي چيف بڻايو ويندو، جنهن مظاهرين کي پرامن رهڻ جي اپيل ڪندي عوام کي صدارتي چونڊن جي نتيجن کي قبول ڪرڻ جو مشورو ڏنو هو.
صدر لولا ڊي سلوا جو چوڻ آهي ته ان کي شڪ آهي ته آرمڊ فورسز جا اهلڪار به مظاهرين سان مليل آهن، برازيل جي صدر ڪجهه ڏينهن پهرين ئي ڪيترن ئي فوج جي آفيسرن کي برطرف ڪيو هو.
ياد رهي ته برازيل جي سابق صدر جير بولسونارو جي هزارين حامين 8 جنوري تي برازيليا ۾ مظاهرو ڪيو هيو ۽ سرڪاري عمارتن تي حملا پڻ ڪيا هئا.
