امريڪي اداڪار بريڊ پٽ پنھنجي لاس اينجلس واري گھر کي وڪري ڪرڻ جو ارادو ڪري ورتو ۽ کيس خريدار بھ ملي ويو.
پرڏيھي ميڊيا رپورٽس موجب، بريڊ پٽ لاس فيليز جي ويجھو موجود پنھنجي تقريبن 30سال پراڻي گھر کي ھلندڙ سال جنوري مھيني کان وڪرو ڪرڻ جي ڪوشش ڪري رھيو ھو.
امريڪي ميڊيا رپورٽ موجب، اداڪار پنھنجي ملڪيت 40ملين امريڪي ڊالرز ۾ وڪرو ڪري رھيو آھي جنھن لاءِ خريدار بھ ملي چڪو آھي، ان گھر ۾ بريڊ پٽ ۽ سندس اڳوڻي زال انجيلينا جولي پنھنجي ٻارڙن جي پرورش ڪئي ھئي.
بريڊ پٽ 1.9 ايڪڙ تي ٻڌل پنھنجي ان ملڪيت کي وڪري ڪرڻ جو فيصلو ان ڪري تھ ھو اڳوڻي زال انجيلينا جولي کان طلاق بعد لاس اينجلس ۾ ننڍو گھر ڳولي رھيو آھي.
واضح رھي تھ امريڪي سپر اسٽار انجيلينا جولي بريڊ پٽ تي الزام ھنيو ھو تھ سندس مڙس ٻارڙن ۽ مٿس تشدد ڪيو جنھن بعد 2019ع ۾ جوڙو ھڪ ٻئي کان ڌار ٿي ويو.
