بلوچستان جي ڪچلاڪ واري علائقي ۾ دهشگردن خلاف آپريشن دوران فائرنگ ۾ اي ٽي ايف جا چار اهلڪار شهيد ٿي ويا آهن، جڏهن فورسز جي جوابي فائرنگ ۾ هڪ دهشتگرد پڻ مارجي ويو آهي.
پوليس جو چوڻ آهي ته ڪچلاڪ واري علائقي ۾ آپريشن مڪمل ڪري ورتو آهي، سرچنگ جو عمل جاري آهي، آپريشن ۾ اينٽي ٽيررازم فورس جي اهلڪارن به حصو ورتو.
پوليس موجب آپريشن دوران فائرنگ جي ڏي وٺ دوران 4 پوليس اهلڪار شهيد ٿي ويا، جڏهن پوليس جي جوابي فائرنگ ۾ هڪ دهشتگرد به مارجي ويو.
واضح رهي ته گذريل ڏينهن ڪوئيٽا ۾ اقبال هاءِ وي تي بم ڌماڪي جي نتيجي ۾ 4 ڄڻا مارجي ويا ۽ 15 زخمي ٿي پيا هئا……….
