توانائي واري صوبائي وزير خرم دستگير خان چيو آهي ته اليڪشن جي تاريخ اعليٰ عدليه ذريعي مقرر نه ٿي ڪري سگهجي، تاريخ جو اعلان ڪرڻ اليڪشن ڪميشن جو ڪم آهي.
عيد جي ٻئي ڏهاڙي گوجرانوالا ۾ قائم چائلڊ پروٽيڪشن هوم جي دوري دوران ميڊيا سان ڳالهائيندي خرم دستگير چيو ته جيڪڏهن ڪنهن بنياد تي ڳالهيون ٿي سگهن ٿيون ته هڪ ئي بنياد تي ته آڪٽوبر 2023ع جون چونڊن کي سڀ گڏجي صاف ۽ شفاف بڻائن ۽ غير آئيني مداخلت کان پاڪ ڪيو وڃي.
هن چيو ته 2018ع ۾ جهڙي نموني عوام جي ووٽ تي ڌاڙو هنيو ويو، ووٽ جي تقدس جي لتاڙ ڪئي وئي اها پي ڊي ايم جي پارٽين لاءِ ۽ عوام لاءِ هڪ تباهي پکيڙيندڙ ۽ زهريلو تجربو آهي.
سندس چوڻ هو ته جيڪڏهن عمران خان جي فاشسٽ پارٽي ٻئي سياسي پارٽين جي عوامي حيثيت مڃڻ کان انڪاري آهي ته پوءِ ڳالهيون نه ٿيون ٿي سگهن ۽ فاشسٽ پارٽي اچي چئي ته سندن ٻه ڀاڱي ٽي اڪثريت ناهي اليڪشن قبول نه ٿا ڪن
خرم دستگير چيو ته عام چونڊن کانپوءِ سڀني کي نتيجا قبول ڪرڻ تي متفق ٿيڻو پوندو.
