لاهور جي دهشتگردي ٽوڙ عدالت پنجاب جي اڳوڻي وڏي وزير ۽ تحريڪ انصاف جي مرڪزي صدر چوڌري پرويز الاهي جي عبوري ضمانت خارج ڪري ڇڏي.
دهشتگردي ٽوڙ عدالت چوڌري پرويز الاهي جي رهائشگاهه تي ڇاپي دوران پوليس اهلڪارن تي پيٽرول بم اڇلائڻ واري ڪيس ۾ درخواست پيروي نه ڪري جي بنياد تي خارج ڪئي.
چوڌري پرويز الاهي جي وڪيل اڄ حاضري کان ڇوٽ جي درخواست جمع ڪرائي.
عدالت حاضري کان ڇوٽ بابت درخواست رد ڪري ڇڏي.
جج اعجاز احمد بٽر چيو ته عبوري ضمانت لاءِ درخواست ڏيندڙ جو عدالت ۾ پيش ٿيڻ لازمي آهي.
پنجاب جي اڳوڻي وڏي وزير چوڌري پرويز الاهي خلاف غالب مارڪيٽ ٿاڻي تي دهشتگردي جي قلمن تحت ڪيس داخل ٿيل آهي
لاهور هاءِ ڪورٽ چوڌري پرويز الاهي جي حفاظتي ضمانت اڄ تائين منظور ڪئي هئي.
