ترڪيءَ ۾ آيل خوفناڪ زلزلي جي 23 ڏينهن کانپوءِ ڊٺل عمارت جي ڍير ۾ دٻيل هڪ ڪتي کي جيئرو ڪڍيو ويو آهي.
6 فيبروريءَ تي ترڪيءَ ۽ شام ۾ آيل 7 ڏهائي 8 جي شدت جي زلزلي ۾ 50 هزارن کان وڌيڪ انسان حياتي وڃائي ويٺا ۽ لکين ماڻهو بي گهر ٿي ويا.
زلزلي سبب سوين عمارتون ڍير ٿي ويون، جنهن کانپوءِ ڍير هٽائڻ جو ڪم اڃا تائين جاري آهي.
ائين ئي ريسڪيو آپريشن دوران زلزلي جي 23 ڏينهن کانپوءِ هڪ ڪتي کي جيئرو ڪڍيو ويو آهي.
پاڻي ۽ سج جي روشنيءَ کانسواءِ زنده رهندڙ ڪتي کي ٻن ڏينهن جي ڊگهي ريسڪيو آپريشن کانپوءِ جيئرو ڪڍي اسپتال منتقل ڪيو ويو…
