ترڪيه ۾ زلزلي متاثر علائقن ۾ شديد برساتن ۽ ٻوڏ سبب 14 ڄڻا فوت ٿي ويا.
پرڏيهي ميڊيا رپورٽن موجب ترڪيه جي زلزلي متاثر علائقن اديامان ۽ شانلي عرفه ۾ اڱاري جي رات کان شروع ٿيندڙ تيز برساتن کانپوءِ ٻوڏ واري صورتحال پيدا ٿي وئي.
تيز برساتن ۽ ٻوڏ سبب مختلف حادثن ۾ شانلي عرفه ۾ عارضي پناهه گاهه ۾ رهندڙ 12 ڄڻا فوت ٿي ويا، جڏهن ته آديامان ۾ هڪ ورهين جي ٻارڙي سميت 2 ڄڻا فوت ٿي ويا جڏهن ته ٻنهي علائقن ۾ ڪيريون ئي گاڏيون پاڻي جي رَيلي ۾ ٻڏي ويون.
عملدارن ۾ اديامان ۽ شانلي عرفه ۾ شديد برساتن ۽ سبب ماڻهن کي گھرن ۾ رهڻ جي هدايت ڪئي آهي.
ٻئي طرف موسميات کاتي انهن ٻنهي علائقن ۾ وڌيڪ برساتن جي اڳڪٿي ڪئي آهي.
واضح رهي ته 6 فيبروري تي ترڪي ۽ شام ۾ آيل 7 ڏهائي 8 جي شدت جي زلزلي ۾ 50 هزار کان وڌيڪ ماڻهو اجل جو شڪار ٿيا هئا، جڏهن ته لکين ماڻهو زخمي ۽ بي گهر ٿيا هئا.
