توشا خانا ڪيس ۾ پي ٽي آءِ چيئرمين عمران خان جون درخواستون رد ڪندي 10 مئي تي مٿس فرد جرم لاڳو ڪرڻ جو فيصلو ڪيو ويو آهي.
اسلام آباد جي ڊسٽرڪٽ اينڊ سيشن ڪورٽ عمران خان جي ٻنهي وڪيلن جون درخواست رد ڪندي محفوظ ڪيل فيصلو ٻڌايو.
عدالت حڪم ڏنو ته عمران خان 10 مئي تي عمران خان ذاتي حيثيت ۾ پيش ٿئي، 10 مئي تي مٿس فرد جرم لاڳو ڪيو ويندو.
عمران خان جي وڪيل خواجه حارث چيو ته توشا خانا ڪيس جي ٻڌڻ جوڳو هجڻ تي درخواست داخل ڪرائي آهي، سيشن عدالت ڪيس جي سڌيءَ ريت ٻڌڻي نه ٿي ڪري سگهي.
هن چيو ته ڊسٽرڪٽ اليڪشن ڪمشنر طرفان شڪايت ڪرڻ اليڪشن ايڪٽ جي سيڪشن 190 جي ڀڃڪڙي آهي.
اليڪشن ڪميشن جي وڪيل چيو ته سيشن عدالت کي ٽن مهينن اندر ڪرپٽ پريڪٽس جو فيصلو ڪرڻ جو حڪم آهي.
