وفاقي وزير شيري رحمان چيو آهي ته توشا خان لاهور ۾ رياست جي رٽ چيلينج ڪرڻ بعد هاڻي هٿياربند جٿن جو جلوس وٺي اسلام آباد آيو آهي، اڄ وري قانون ۽ عدليه جي تقدس جو جنازو ڪڍيو ويو.
سماجي رابطن واري ويب سائيٽ تي ٽويٽ ڪندي شيري رحمان چيو ته پيشي لاءِ هٿياربند جٿن جو جلوس وٺي اچڻ جو مقصد عدليه جي فيصلن تي اثرانداز ٿيڻ آهي، ڇا مستقبل ۾ ٻين پارٽين جي اڳواڻن کي به پيشي تي جلوس وٺي اچڻ جي اجازت هوندو؟، عدالت پي ٽي آءِ جي جلوس گيري جو نوٽيس وٺي.
هن چيو ته روزانو جيڪي عدالتي حڪمن جا بکيا اڍيڙي رهيا آهن، رليف به انهن کي ئي ملي رهيو آهي.
وفاقي وزير چيو ته عدالتن پاران جيڪو رليف عمران کي ملي پيو ان جو مثال نٿو ملي، ڇا ملڪ ۾ ٻين ڏوهارين کي به اهڙيون رعايتون ملنديون جيڪي هن کي ملي رهيون آهن؟، يا قانون ۽ انصاف جو سهولتون رڳو لاڏلي لاءِ آهن.
شيري رحمان چيو ته اهو تاثر پيدا ڪيو پيو وڃي ته ملڪ ۾ لاڏلي خان جهڙن اشرافيا ۽ عام پاڪستانين لاءِ ڌار ڌار انصاف جو نظام آهي.
