چين جي جاسوس ڦوڪڻي آمريڪي فوجي ٺڪاڻن مان ڳجهي ڄاڻ گڏ ڪري چين ڏانهن موڪلي ڇڏي.
هڪ آمريڪي نيوز چينل جي رپورٽ موجب فيبروري ۾ آمريڪا جي هوائي حدن ۾ اڏامندڙ چيني جاسوس ڦوڪڻي آمريڪي فوجي ٺڪاڻن جي ڳجهي ڄاڻ گڏ ڪري چين ڏانهن موڪلي ڇڏي هئي، چين بائيڊن انتظاميا طرفان روڪڻ باوجود ڦوڪڻو چين موڪليو هو.
آمريڪي نيوز چينل موجب بائيڊن انتظاميا جي ڪوششن باوجود چيني ڦوڪڻو ڳجهي ڄاڻ حاصل ڪرڻ ۾ ڪامياب ٿي ويو.
رپورٽن موجب چيني ڦوڪڻو ڪيترن ئي فوجي سائيٽن جي ڳجهي ڄاڻ حقيقي وقت ۾ بيجنگ ڏانهن منتقل ڪئي.
آمريڪي ۽ چيني عملدارن اڃا تائين آمريڪي چينل جي رپورٽ تي تبصرو نه ڪيو آهي.
فيبروري ۾ چين جو جاسوس ڦوڪڻو هڪ هفتي تائين آمريڪا ۽ ڪينيڊا جي هوائي حدن ۾ رهيو هو، جنهن کانپوءِ آمريڪي صدر جو بائيڊن جي حڪم تي آمريڪي فوج سامونڊي علائقي ۾ چيني غباري کي ڪيرايو هو……
چين ان ڳالهه کي رد ڪري ڇڏيو آهي ته سندس ڪو به جاسوسي غبار آمريڪي فضائي حدن ۾ ويو.
